دليلك للتجهيزات البرية

هلا والله يالله حيه!

هواية جديدة او قديمة ومنتجات كثير وكل واحد ينصح! وما تدري كيف تبداء؟ بننصحك من باب خبرة في تجهيزات السيارات والرحلات. في شغلات ضرورية تكون معك او راكبة على السيارة. اللسته غير حصرية وتقدر تحط وتشييل الي يناسبك لاكن هذي قائمة نشوف انها مهمة لأي شخص بيطلع للبر بالسيارة.

بنقسم التجهيز على مجموعات كل مجموعة ترفع من مستوى الجاهزية عندك وتمكنك بعد الله تروح ابعد وابعد.

اذا ما اخترت السيارة ولسى حاب تختار سيارة هذا الفديو بيساعدك كثير ان شاء الله

وبسم الله نبداء بالمستوى الاول او خل نسميه مستوى المبتدئين.

غالباً في هذا المستوى بتحتاج تطور من مهاراتك في القيادة وتعرف كيف يعمل نظام الدفع الرباعي وتتمكن اكثر من السيارة وإمكانيتها وزواياها. لذلك نحتاج نركز على استخراج السيارة من التغريز او التعليق ونحتاج ننفخ وننسم الاطارات.

1. كومبريسور محمول من شركة ARB

الكومبريسور بيساعد في نفخ الاطارات بعد ما تنتهي من رحلتك. يحافظ على الاطارات ولا قدر الله انفصخ الاطار تقدر ترجع تركبه في بعض الحالات. مهم لعموم رواد الصحراء والمناطق البرية او حتى الجبلية والبحرية. يتوفر بعدة اشكال واحجام وسعات وبتكلفة مختلفة بحسب النوع. هذي الفئة اخترناها بالتحديد لإن المبتدىء غالباً ما يحب يثبت اي شي على السيارة. الجهاز المقترح مناسب وشركة ARB عريقة وغنية عن التعريف. 

2. عداد قياس ضغط الاطارات من Power Tank

العداد الرهيب من باور تانك. طبعاً هذا العداد دقيق جداً ويعطيك قرائة صحيحة لضغط الاطارات. مهم جداً يكون دقيق مع الاسف اغلب المنتجات المتوفرة في السوق تقرائ بفرق 8 الى 9 PSI عن الواقع. وهذا يسبب ضرر في الاطارات. طبعاً هذا العداد يمكنك من توصيل لي هواء الكومبريسور وتقدر ترفع الهواء حق الاطارات من خلاله. راجعين بالليل؟ ما عليك العداد فيه اناره تساعدك تشوف القرائات بشكل واضح وكبير في عتمة الليل.

3. الواح التغريز من شركة Maxtrax

الواح استرالية اثبتت جودتها حول العالم. تستخدم في استخراج المركبات المتعلقة في الرمال او المناطق الطينية. فعال جداً وبالإمكان استخدامه كمسحاة او كريك لاستخراج الرمال. فئة اللايت ممتازه للمبتدىء ولاكن للمحترفين الاكستريم بيكون انسب واكثر تحمل.

4. حبل سحب مطاط من Maxtrax

يمكن الحبل نعتبره في اعلى الأولوية لإنه بيساعدك من الخروج من التغاريز وسريع الاستخدام. واذا تاخذ نوع مثل هذا يعتبر آمن. بس تأكد من وزن سيارتك وان الحبل يناسب سيارتك. قدرة عاليه للتمدد وينقل الطاقة بشكل تدريجي بين السيارتين. بتحتاج معه سبته او shakle ينربط على كل سيارة وقت الاستخدام. مهم جداً واحرص على الجودة في ادوات السلامة والاستخراج.

5. خزان وقود احتياطي 20 لتر

يقول ابي تمام "ما حسرتي أن كدتُ أقضي إنما حسراتُ نفسي أنني لم أفعلِ" خزان الوقود مهم جداً. عشرين لتر يعني مسافه اطول للترحال او وقود احتياطي يعادل ثلث خزان سيارات كثير وهو الفارق بين الوصول او الانقطاع بعد امر الله.

جهزت المستوى الاول؟ وجاهز للمستوى الثاني؟ قريباً بتنزل قائمة بأهم المنتجات للمستوى الثاني